大圓滿素食 (已結業)

最近成日黎呢間素菜館吃飯,呢間素菜館的位置有分成食快餐的還是要飲茶食小菜的,去到千祈唔好坐錯位這次首先要講吓呢間素菜館既招牌菜"魚翅撈飯",看到實物第一個想法就是這東西超大碟的,起碼有四個人既份量。食落去就覺得個茨汁略嫌淡左D,而且有種茨汁太多飯太少既感覺,但整體來說還不算難吃。跟着介紹下個冬瓜盅,個湯落去比一般茶樓的口感咸少少,至於D冬瓜肉煮得比較硬身,口感十足,而且也有落足配料,感覺不錯。至於快餐部方面則有一個40蚊的三餸一湯既套餐可以選擇,我揀左麻婆豆腐,咕嚕肉(當然全都是素的)同酸齋,其中的咕嚕肉最值得一讚,"肉身"夠彈牙可口,至於其他兩味跟一般素食館的冇咩太大分別。