歇腳亭 (西九龍中心)

營業中

休息中

最近行過深水涉，又去番歇腳亭，見到有新品-係最近好hit 既芝芝莓莓。之前特登上深圳飲喜茶，買左杯36 蚊人仔既芝芝莓莓（因為加左多芝士），簡直係欺騙感情，杯野水到啊，沙冰都唔知去左邊，芝士跌左落底，就呃我話已經加多左，勁欺詐。 講番呢到既芝芝莓莓，又係有個好吸引人既poster, 26 蚊，加奶蓋都係5蚊，但今次我冇加。呢杯芝芝莓莓係唔錯，個沙冰真係落足料，有重重既草莓味，酸酸甜甜，奶蓋都比得慷慨，只係奶蓋既味道唔係好芝士，有點稀，只有淡淡既奶味，因此配搭好味既草莓沙冰都冇芝芝莓莓既精髓。都係有比較，先會覺得呢個好飲... 喜茶真係名過其實。可以慳番d錢，唔洗專登番大陸飲。