Neway Karaoke Box (已結業)

Happy birthday to Jessica ﹗超巨形 party 房，真係四五十人都唔洗怕迫夾呢，仲可以走出前檯 mic stand 表演，一展歌喉添。音響夠勁彭彭聲，地方寬落，又有獨立廁所，滿意滿意。椒鹽豆腐，雖然相信係即叫即炸，但送到房時已變得微暖不是熱騰騰呢 ﹗幸好外層保持金黃鬆化兼乾爽，有點嗅豆腐既影子，但無香味亦無味道，不咸不辣。唯有掉落豆瓣醬翻騰幾下，沾滿醬汁入口還可以。風沙雞中翼，普通炸翼再鋪上大量炸蒜，蒜還蒜、翼還翼，似食緊普通炸雞翼。香口不油，暖暖的，肉汁微弱有點乾，味道合格。炸魷魚鬚，炸得乾爽又香脆，脆而不硬的炸漿，真係做得不錯。魷魚肉彈嚥韌帶海鮮味，讚。蒜蓉炒雜菌，椰菜、草菇、金菇、雞髀菇撈埋一碟，甜甜的但無鑊氣，唔難食。