Espuma (H8) (已易手) 新餐廳

之前都嚟過呢間餐廳嘅中環分店，食下午茶知道佢今次又出咗新嘅Menu，所以特登約埋朋友去尖沙咀店度試吓今次嘅主題係夏天可以睇到個Menu同埋啲食物都係夏日主題，兩個人228連埋嘢飲，加＄15就可以升級水果茶等等嘅特飲首先嚟到嘅就係飲品，朋友個杯瑪奇朵上邊有靚靚嘅拉花，好正呀。然後杯水果茶都到咗，百香果加上唔同嘅水果，甜甜地熱熱地好好飲啊。過多陣就有嘢食啦，先來就係薰衣草鬆餅，之前未見過紫色嘅鬆餅架，好特別，食落真係好香薰衣草味，加埋果Jam都好夾，可惜每人只得壹個啦之後就到下午茶set啦，總共有三層。第一層就係充滿夏日feel嘅甜品，可以睇到個cup cake上邊有兩把好靚嘅夏天造型嘅沙灘遮，仲有一個將西柚去咗皮嘅啫喱好特別啊。跟住個層就係熟食啦，有呢個白汁焗青口同埋烤蝦薄脆配牛油果醬，好好味啱啱燒好嘅蝦配上脆片，好fresh好得意~如果唔夠飽，最後一層仲有個番茄螺絲粉同埋三文魚米紙卷俾你食，一定夠飽啦總括嚟講呢個下午茶又有甜品又有熟食，環境都幾好，雖然人多咗啲但係絕對值得同朋友上嚟嘆下tea傾吓計架~