MOO MOO

營業中

休息中

Moo Moo位置唔多顯眼，但觀塘友無可能唔識距，沒有華麗裝潢但以實力吸引不少die hard粉絲。餐廳唔只burger 選擇，熱狗、小食、沙律樣樣齊，梗有一款幫到你。 鹹蛋黃雞堡 $69雞扒肉質幼嫩一啲都唔乾，夾住厚厚蕃茄片同生菜，爽口又juicy ，唯鹹蛋黃味道未算突出，如果多啲沙律醬同鹹蛋黃醬就perfect池。 肉汁芝士薯條配汽水 +$29幼身薯條上淋上半溶芝士及肉汁，食落濕潤熱氣感大減，唔洗另點茄汁都夠晒味。 士多啤梨奶昔（12oz） +$24想試奶昔好耐，豪一次跟餐升級，士多啤梨味超級濃，質地較稀夠順喉，飲到有啲唔夠喉。 水牛城辣雞槌（3隻） $45水牛城甜酸辣辣沒有難食的理由，雞槌啖啖肉，作為小食也不錯。 炸魷魚酥 $68熱辣辣炸起，囗感煙韌彈牙，魷魚酥本身已調味，但沾埋沙律醬又好配喎，值得一試。