船仔 (京瑞廣場) (已結業)

今天放工後打算去沙田捐血，首先要食啲嘢。早前見某飲食雜誌介紹過呢間食肆，而openrice啲評語好壞參半，一於先去石門試下。好多人幫襯，要等位；顧客多為附近返工人士。鋪面不大，座位數目約50個，坐得非常迫。餸菜同麵底選擇唔多。眼見無乜顧客飲《佛系龍眼冰》，我都唔試呢個特飲喇。我揀咗泰式牛丸金邊粉。金邊粉上面有啲辣豬皮粒，好好食喎，有驚喜。湯底有啲重口味，我個人就唔太喜好。如果喺附近返工嚟呢度食晏都係一個唔錯選擇。