康記菜館 (已結業)

好多年冇去過長洲，難得去一次梗係食埋海鮮先走啦！好多年前嘅記憶一直都係：長洲食海鮮，好貴而且唔抵食。不過都可能因為我以前係學生，afford唔到😂成條街都係海鮮菜館，咁就唯有是但揀一間啦。康記菜館！230蚊，三款海鮮，一碟菜，仲有海景位睇日落😂。今次嗌咗椒鹽鮮魷，豉椒炒蜆，蒜蓉蒸扇貝，仲有炒通菜。最好食一定係豉椒炒蜆，差唔多每一隻都係有肉，重要都幾大隻下。其次就係椒鹽鮮魷，粉唔會厚，味道都幾新鮮，魷魚又唔會好韌。反而扇貝有啲細隻，味道都唔係話特別吸引。不過最重要嘅係，230蚊嚟講，質素同分量都唔錯！cp值好高！下次再嚟食😊