大快活 (晨光大廈)

營業中

休息中

放假自不然唔想在屋企煮早餐，例牌落街搵食，一於近近地去屋企附近的「大快活」啦。望一望餐牌，發覺佢有薄牛扒早餐我都未試過早餐食牛扒，見佢只係$35就決定試一試。其實這個早餐都好豐富㗎，除了有一塊薄牛扒，仲有炒滑蛋、多士和一杯熱飲。薄牛扒味道ok，唔會太韌，不過黑椒汁稍咸了一點。至於炒蛋，我嫌佢唔夠滑...有少許過熟，另外果間「開心快餐店」做得比佢好。牛油多士就正正常常，烘得剛剛好唔會燶晒。熱飲我揀左熱茶走，味道都係合格啦。我覺得「大快活」的奶茶或者茶走，水準都保持得唔錯。