影片
更多
2019-12-01
1336 瀏覽
*openrice d 資料唔太update 補充返先*我地星期五晚去，不接受電話訂座，最低消費$280一位，要收加一服務費，要收切餅費。朋友生日終於約倒，開開心心揀左呢度唸住試下。食物其實冇大問題呀，但以慶祝生日黎講就有啲不歡而散。1.四人被安排到一張大枱撘枱，夜晚多人，要搭枱枱當然明白，但冇唸過一張大枱分三台，四個人只係可以縮埋一角，坐得唔舒服之餘，野食都唔夠位擺。(其實仲要係對住條街食多人多車多塵都算咯)2. 食切餅收service charge冇預先講，其後問店員點解唔預先講嘅原因，店員態度其差朋友生日嘛，買左三件切餅慶祝，食完野拎出黎先影相。我同朋友嘅經驗話我知正常餐廳要收切餅費/唔可以喺餐廳食都會見倒客人拎左出黎就話比客人知嘅。我地影左十分鐘(又送下生日禮物講下野，啲切餅攤左好耐)兩位店員分別行過多次，又曾經幫坐我地對面嘅客人落單(面對面嗰隻對面)，亦都睇倒我地幾件切餅，冇人阻止冇人話要收錢。食完，自己清理好啲垃圾，就有人過黎話每個人收五十蚊共二百蚊切餅費。其實我地都覺得餐廳收切餅費正常不過，即使冇用餐廳嘅野，但食外來野嘛，完全明白理解。但係呢1.店員唔見倒就講，係食哂清哂
我地星期五晚去，不接受電話訂座，最低消費$280一位，要收加一服務費，要收切餅費。
朋友生日終於約倒，開開心心揀左呢度唸住試下。
食物其實冇大問題呀，但以慶祝生日黎講就有啲不歡而散。
1.四人被安排到一張大枱撘枱，
夜晚多人，要搭枱枱當然明白，
但冇唸過一張大枱分三台，四個人只係可以縮埋一角，坐得唔舒服之餘，野食都唔夠位擺。
(其實仲要係對住條街食多人多車多塵都算咯)
2. 食切餅收service charge冇預先講，其後問店員點解唔預先講嘅原因，店員態度其差
朋友生日嘛，買左三件切餅慶祝，食完野拎出黎先影相。
我同朋友嘅經驗話我知正常餐廳要收切餅費/唔可以喺餐廳食都會見倒客人拎左出黎就話比客人知嘅。
我地影左十分鐘(又送下生日禮物講下野，啲切餅攤左好耐)
兩位店員分別行過多次，又曾經幫坐我地對面嘅客人落單(面對面嗰隻對面)，亦都睇倒我地幾件切餅，冇人阻止冇人話要收錢。
食完，自己清理好啲垃圾，就有人過黎話每個人收五十蚊共二百蚊切餅費。
其實我地都覺得餐廳收切餅費正常不過，即使冇用餐廳嘅野，但食外來野嘛，完全明白理解。
但係呢
1.店員唔見倒就講，係食哂清哂先過黎講收你二百蚊喔
2.問店員點解唔見倒就講，店員回覆係店員間溝通唔好(?咁關客人咩事？)，
店員仲話餐廳冇可能比你地食其他餐廳嘅野架嘛
其實係有其他餐廳唔收切餅費嘅。
*店員好似覺得冇預先講不是大問題喔，反而態度好似覺得客人想食完想唔比錢咁喔*
唸住開開心心過生日啫，幫襯左你千幾蚊，每人比多五十蚊，你驚我地賴地唔俾咩。
野食好又點，搵唔倒人情味喔，再返黎？不了。
張貼
