髀魔-雞髀第一店 (太子道西) (已結業)

今日係太子做完義工好肚餓搵野食，行過呢間炸髀幾多人等😂又好似幾吸引，雖然好邪惡但又好想食😍😍。。叫左兩款炸髀：火焰髀 (麻辣） $35、同黃金髀 $40。炸髀真心掂👍🏼👍🏼👍🏼一食就食得出係生炸髀，Size成隻手掌咁大，一拎上手勁重，黃金髀勁不得了！鹹蛋黃醬的咸香惹味非常，好食得黎唔會膩，真係perfect match ! 。小食都正，又唔貴「經典魔翼 $33」同「經典魷魚鬚 $41」兩者都擇左自家製椒鹽，好好食！炸粉唔厚，但好脆身。加左椒鹽真係勁正。。購買任何食物飲品減$10，所以我地叫左兩杯野飲「龍鳳鮮檸爆爆珠 $32」「Tea芒芒黃金沙 $45」減埋$10，都係20幾-30左右一杯，龍鳳鮮檸爆爆珠無另加甜，酸酸地咁好開胃。Tea芒芒黃金沙既芝士奶蓋芝味濃，芒果咪好香。