貢茶 (已結業)

係旺角掃街，除了食物之外，飲品係呢個炎炎夏日都係非常重要，尤其食完辣野、煎炸野，一啖冰凍既飲品實在透心涼。貢茶大大話話已經係香港有5,6年以上時間，啱啱黎香港紥腳既時候，我簡直每日都要飲番杯「奶蓋綠茶多奶蓋」，當時好似仲要係12蚊左右，飲夠10杯仲送多杯，好鬼抵飲。初接觸奶蓋時，「杰到爆」既奶蓋，味道係咸咸地甜甜但又會有少少奶味，我喜歡分開飲，先飲奶蓋後飲綠茶，口感特別。但近年貢茶質素好似有所下降，奶蓋總是稀稀的，亦沒有奶味也沒有咸咸地的味道，就是一般普通的忌廉，可幸是下面的綠茶跟往是一樣味道，帶點點的茶味，要是帶住以「解渴」為最終目的的話，貢茶算是個不錯的選擇了。