呦呦鹿鳴布丁燒

營業中

休息中

平時最中意到葵涌廣場3樓掃街，價錢夠平之外，又唔洗大熱天時出去同人迫啦😆見到有一間賣布丁燒，本身都中意食甜品，所以趁機會試下😛見到門面有d鹿公仔，岩晒我打卡啦！原來布丁燒有分凍食、熱食兩種，所以我各自點左一款。凍食布丁燒的食法是將整個布丁搖一搖，掉轉成個布丁，焦糖向上就ok。首先試左個凍食的伯爵茶布丁燒，本身布丁燒由焦糖、雞蛋布丁，和芝士蛋糕三層組成，面頭淋上焦糖醬好滿足，伯爵茶的味道同布丁燒好match，而且好香添，但茶味可以濃d，可能我口味中意重口味d😆所以比較中意茶味濃厚的甜品。之後食左個熱食的招牌款式椰爺布丁燒，熱食就唔洗掉轉怕會塌，直接食就得啦。係老闆推薦的，本身都中意食椰子口味的食物。一入口有淡淡椰子味，而且雞雞布丁口感入口即溶，又滑咁幾特別🤣蛋糕質感綿密，布丁夠細滑，而第三層焦糖有少少苦澀味，可以中和返甜味的口感。總結，我中意凍食的口感多d有咁甜，而味道中意椰子味，未食過布丁燒的人可以去試下。