Extra Virgin (已結業)

一大班人夜晚六點幾到呢間餐廳，我地未齊人佢都俾我地入住先，入到佢地既房坐，環境幾舒服。👍🏻食物種類都離唔開係意粉，見到佢地話採用橄欖油炒意粉，幾健康👍每人叫左一份加杯飲品，大家都share黎試下。叫左份芝麻醬手撕雞配飯，雞都ok多，我最鐘意佢個汁😂配飯一流，而且佢都俾好多。另外一個意式燉牛肉，牛肉都ok，都林口既，個汁就特別啲，少少辣辣地會越食越上癮既汁跟著就忌廉三文魚意粉，個汁都係平時想大家想像食開既汁，佢就會重啲忌廉味，三文魚都ok蜆肉意粉就真係黎到都嚇一跳，佢比咁多隻蜆，啲蜆多到我差啲睇唔到啲意粉😂味道幾好既白汁雞肉磨姑大通粉，個賣相幾靚仔，食落就同忌廉個個差唔多，都唔錯👍另外叫一份都係大通粉，佢係辣蕃茄燈籠腸大通粉，個人比較鐘意呢款多啲，味道特別啲之餘番茄健康啲👍叫咗份意式雲吞，個汁紅紅地，我以為係意粉😂原來係雲吞，都幾特別，雲吞嘅餡都幾足料。最後係蕃茄既意粉，係大家想像到既味道，都唔錯係一間唔錯既餐廳，平靚正，環境都坐得幾舒服，冇限時。