影片
更多
2023-12-16
729 瀏覽
餐廳：掌壽司(觀塘)地址：觀塘開源道60號駱駝漆大廈第三座5樓U室觀塘駱駝漆大廈第三座呢間掌壽司Tenohira Sushi唔經唔覺開咗大約10年，佢哋本身主打日式刺身、壽司、串燒美食，最近仲推出相當受歡迎嘅午市同晚市定食🍱餐廳劃分咗幾個區域，大得嚟幾有空間感，座位同座位之間有距離而且有私隱度，我坐嘅位置前後都放咗竹簾🎋，過嚟傾生意或者傾密偈都一樣咁適合🗣，另外仲有壽司吧枱，就算一個人過嚟都可以坐喺吧枱望住師傅炮製日式料理，甚至同師傅傾偈都得😆全新推出嘅晚市定食百幾至二百幾蚊不等，有鰻魚、燒魚🐟、刺身飯、滑蛋吉列豬柳、壽司🍣、壽喜燒等比你揀，款式都算多，而除咗主食仲包埋漬物、沙律、茶碗蒸、蜆肉味噌湯、生果同甜品🍨，豐富夠飽肚，唔使怕唔夠食😛✝️日本A5和牛壽喜燒鍋定食 $258嚟自宮崎縣嘅和牛🐃，選取沙巴當呢個比較少活動嘅近肩胛、肋骨部位。未食已經見到吸睛、猶如大理石紋嘅細緻霜降油花😍，一份有5大片，每片都接近筷子長度，喺加咗啲昆布鰹魚湯嘅壽喜燒湯底入面淥大概20秒，拎起蘸落日本雞蛋蛋漿當中，放入口半即溶而帶有綿綿順滑咬口，和牛脂香瞬間充滿口腔每一個角落，加埋湯底嘅甜香同蛋漿嘅黏綿口感，
地址：觀塘開源道60號駱駝漆大廈第三座5樓U室
觀塘駱駝漆大廈第三座呢間掌壽司Tenohira Sushi唔經唔覺開咗大約10年，佢哋本身主打日式刺身、壽司、串燒美食，最近仲推出相當受歡迎嘅午市同晚市定食🍱
餐廳劃分咗幾個區域，大得嚟幾有空間感，座位同座位之間有距離而且有私隱度，我坐嘅位置前後都放咗竹簾🎋，過嚟傾生意或者傾密偈都一樣咁適合🗣，另外仲有壽司吧枱，就算一個人過嚟都可以坐喺吧枱望住師傅炮製日式料理，甚至同師傅傾偈都得😆
全新推出嘅晚市定食百幾至二百幾蚊不等，有鰻魚、燒魚🐟、刺身飯、滑蛋吉列豬柳、壽司🍣、壽喜燒等比你揀，款式都算多，而除咗主食仲包埋漬物、沙律、茶碗蒸、蜆肉味噌湯、生果同甜品🍨，豐富夠飽肚，唔使怕唔夠食😛
✝️日本A5和牛壽喜燒鍋定食 $258
嚟自宮崎縣嘅和牛🐃，選取沙巴當呢個比較少活動嘅近肩胛、肋骨部位。
未食已經見到吸睛、猶如大理石紋嘅細緻霜降油花😍，一份有5大片，每片都接近筷子長度，喺加咗啲昆布鰹魚湯嘅壽喜燒湯底入面淥大概20秒，
拎起蘸落日本雞蛋蛋漿當中，放入口半即溶而帶有綿綿順滑咬口，和牛脂香瞬間充滿口腔每一個角落，加埋湯底嘅甜香同蛋漿嘅黏綿口感，真心無得輸🤤。壽喜燒鍋仲有豐富嘅時令野菜：豆卜、蕃薯🍠、雜菌、蟲草花、娃娃菜、水晶粉等，仲配珍珠飯或可以加$15轉烏冬，加埋日式泡菜、田園沙律🥗、哈密瓜🍈、
帶有炙燒香同豆腐味忌廉嘅豆腐雪糕🍨，真心完滿🥰
✝️燒鳥盛合 $128
呢個串燒拼盤有汁燒雞肉、大蔥雞肉、雞軟骨、阿波尾雞雞腎同雞皮🐓，串燒即叫即燒相當惹味🍢，每款嘅醬汁都略有不同，又唔會太濃味而蓋過咗食材本身嘅原汁原味，
我特別鍾意師傅人手刮晒啲脂肪再燒嘅雞皮，薄脆香口得嚟仲一啲油膉味都無，食完唔會有好強嘅罪惡感🤪
✝️刺身盛 $338
呢個刺身盛有7款新鮮刺身，包括清甜多膏嘅赤蝦、爽甜飽滿帆立貝、
輕輕炙燒過逼出魚油香嘅劍魚腩🔥、爽脆食口感為主嘅水母刺身、
大隻得嚟爽滑有咬口嘅兵庫縣生蠔🦪，仲有油甘魚同三文魚；
另外叫多咗個時令海膽($208)，用脆紫菜包住食順滑Creamy、甘甜無腥味，兩個人share食都好夠👍張貼
