海港酒家

營業中

休息中

排隊排左好耐，但抽時間同媽媽飲茶係必須的😎柴魚花生豬骨粥幾好味，但可能太多豬骨關係，味道偏咸。蓮藕餅無諗過係炸既，外皮炸得過火太硬，感覺十分熱氣，肉餅太厚，口感似係食緊餃子入面既豬肉多過蓮藕餅。櫻花薄餅撐媽媽好鐘意食呢種煎薄餅，去飲茶必點，但呢個太厚粉太油，試過太多太多，有比較下呢個真係唔好食！紅菜頭包第一次聽，見幾新鮮就叫，點知100%係伏黎，入面又咸又甜又林既菜，媽媽食完都怕怕。紅棗糕呢個就真係好食啦👍🏻👍🏻，一d都唔痴牙，甜度適中剛剛好，不過要趁熱食先好味，所以一上碟就要快快手食啦😋。燕窩椰皇好滑好滑，但好淡無乜椰味，而且兩個人點太多野，最後已經食到好飽，為左唔浪費迫自己食哂😂。