甘饕 (已結業)

今晚行經希慎，順便在附近覓食見到甘饕就進店燒鵝下庄配瀨粉都好夾，最多肉的位置，肉連皮相連，一排係鵝肉好壯觀，肉質嫩滑，配上酸梅醬，酸酸甜甜，去油膩。瀨粉的湯底係豬骨湯，很濃味。叉燒有雙拼，肥燶配蜜汁叉燒，肥燶叉燒厚身，油脂與肉相間，所謂罪惡感，算吧啦，食咗再減啦。蜜汁叉燒大件，好滑口，少少焦香，唔錯。山楂咕嚕肉色澤嫩紅，醬汁包裹豬肉，濕度唔錯，無話好乾身，份量算多。冰花皮蛋配酸薑片是前菜，皮蛋蛋黃是有少少流心，配酸薑食一流，薑片唔太厚，微辣，都食得過癮。餐湯是西洋菜豬骨湯，湯料很豐富，味道香濃，我很喜歡西洋菜湯，清熱又好飲，湯料仲有豬骨，南北杏，很香甜。