Karui Bento (已搬遷) 新店位置

因為on diet緊,，所以都要食得健康D。日式便當係一個唔錯既選擇。 今日放lunch決定試下呢間只做外買既店， 估唔到1點鐘去到已經有10幾人排緊隊，人氣真係爆燈，有良心既店，係值得等下既。 落order時店員已經提醒過要等15-20分鐘，結果等左差唔多30分鐘。大熱天時係條街等，都幾辛苦。店員話下次可以用手機透過一個外賣平台預先order，咁就可以預返時間去舖頭自取慳返D時間。 不過辛苦係值得既，因為的確係幾好食既。我揀左「照燒雞扒野菜便當」。雞扒醃得好入味，用左孜然粉同七味粉去醃，雞皮好薄一D都唔肥，連平時唔食雞皮既我都食哂。野菜炒得好味但調味又唔會過重，配搭紅米飯感覺更健康。份量方面有D偏少，女仔食剛剛好，男仔食既話一定唔夠飽，可能加$8要個麵豉湯會好D。$68呢個價錢黎講，有D偏貴，但可以一試。