腸粉皇

營業中

休息中

從VTC 出灣仔道會經過一小段克街，每次放學、放工時間路過街頭間小吃店都有好多人排隊， 細看之下原來賣魚肉燒賣、腸粉、粢飯嘅小店， 點解咁多人幫趁咖？ 問咗附近住嘅朋友，原來佢哋嘅腸粉一年四季多人俸場咖，嘅然咁好賣就要試吓喇。六點半去到， 已經有一條龍大概十個人排緊隊，一心嚟到緊係排啦。 每個人都耐心等候，有D買外賣而有D企喺度食，睇見佢哋都食得好滋味喎。 到我喇！ "唔該腸粉一份，全要走辣醬同要多D豉油吖，拎走"，接到order嘅女士好專心、純熟地剪腸粉同落醬，我嘅要求仲完全無錯添，讚！ 買返屋企急不及待馬上試食， 腸粉仲燙囗而且非常滑溜，雖然我要夠豉油但一D都唔會過咸，明顯調教過恰到好處，芝麻仲烘得好香。 好味到停唔倒囗，一陣就清咗成兜腸粉，真係唔夠喉呀。 唔怪得夠膽叫「腸粉皇」啦。