博多拉麵別天神 (已結業)

今日突然間好想去旺角【博多拉麵別天神】食拉麵，知道食店只有十多個位，經常排長龍，所以便提早6點去到，雖到達時已滿座，但等了5分鐘就有位。店內有願望牆，可將兩年後的願望寫在咭紙及貼在牆上。店內只有「豚肉」及「蝦味噌豚肉」兩款湯麵。單食外，亦可選包括「4隻餃子」及「小龍蝦蟹子沙律」的套餐。落單時，需到門口自助點餐機落單，如有問題可向職員查詢。我們點了一個單食及一個套餐。蝦味噌套餐 (HKD115)蝦味噌豚骨湯麵+小龍蝦蟹子沙律+餃子「小龍蝦蟹子沙律」內有大大粒小龍蝦肉及有嚼勁蟹子，用紫菜包著來食，味道很夾。 「餃子」皮薄餡靚，味道清新，沾點醬汁更鮮甜。店內拉麵湯底出名無味精，用豬骨及純水經壓力煲熬製而成。「蝦味噌豚骨湯麵」湯底味濃，充滿香濃蝦味；且材料豐富，有美味日產糖心蛋、半肥瘦叉燒、香脆小蝦等；而拉麵質感幼滑可口，相當有質素。豚骨湯麵 (HKD75)「豚骨湯麵」湯底豬骨味濃，香滑無味精，故飲了都唔口渴。如想豐富味蕾，亦可加點芝蔴！拉麵價錢貼地，味道有水準，所以要排長龍絶對值得！