BLT Burger (已結業)

呢排唔知點解好想食漢堡包，同一班朋友咁耐冇見，諗唔到食乜，所以就試試呢間啦😍。一去到已經見到好多人排隊，排左15至20分鐘，終於入到去啦。我哋諗都唔使諗就揀咗經典同B L T兩個burger，個人覺得burger係幾好食嘅，但就未至於去到好出色。兩個burger餐可轉粗幼薯條或薯格，呢方面我係欣賞嘅。另外，朋友話曲奇奶昔好正，所以都叫咗杯來試，個人就覺得太甜啦，反而朋友要個杯雲呢拿奶昔呢，仲好飲啲添。