粉果佬

營業中

休息中

大埔中心附近嘅昌運中心，商場地下呢檔粉果佬，由廣福邨冬菇亭搬到出市中心，以手工燒賣粉果聞名。深受街坊歡迎，繁忙時段keep住有人龍…超誇張當日都排咗25分鐘先買到。粉果人手包到似水餃咁，Size明顯比一般嘅大粒，拮起好重身飽滿，皮簿晶透，咬起唔會黏埋一嚿，餡料有菜脯、蝦米、豬肉等，好豐富！至於燒賣同樣係大粒過人，手打魚肉塞滿好足料，有魚膠質感，點少少辣醬更惹味。但畢竟手工燒賣坊間都常見，相比粉果顯得較普通。