影片
更多
2018-04-05
176 瀏覽
放假訓醒落街揾 lunch 食, 經過呢間 cafe 66 門口發現有幾組人在門外排緊隊, 心諗既然多人排隊應該間野食物唔差, 反正有時間就排隊等下, 我前面係2個2位, 1個1位等緊, 所以我只要等前面3組人入座後, 我就應該係第4個入座等左大約10-15分鐘, 前面3組人入晒座, 理應下一張枱到我入, 排我後面係兩大一細3人家庭黎, 一個女侍應出黎問我幾位, 我話我一位, 我望到入面係有兩張4人枱的 (一張未執枱, 一張執乾淨已經, 另外入啲有張擺左Reserved 牌的卡座), 我諗住女侍應會帶我入座的, 殊不知入面個男經理知我一位, 我後面係3位, 佢居然叫個女侍應俾左3位入先 !! 我心諗咩料, 我排前面的, 點解要讓俾我後面3位入先? 我眼白白睇住女侍應帶果一家三口去頭先我話已經執乾淨的枱俾佢地坐, 我再等多一陣, 然後佢地執乾淨好之前我話未執乾淨果張4人枱俾我坐, 我睇住成件事發生我覺得好激氣 !!首先, 我明白餐廳的立場係想做多啲生意, 有3位客一定係想做3位客多個我1位客, 這是我了解的, 如果當時只係得一張吉的4人枱, 佢地俾果3位客入先我都可以原諒, 但明明當時係
等左大約10-15分鐘, 前面3組人入晒座, 理應下一張枱到我入, 排我後面係兩大一細3人家庭黎, 一個女侍應出黎問我幾位, 我話我一位, 我望到入面係有兩張4人枱的 (一張未執枱, 一張執乾淨已經, 另外入啲有張擺左Reserved 牌的卡座), 我諗住女侍應會帶我入座的, 殊不知入面個男經理知我一位, 我後面係3位, 佢居然叫個女侍應俾左3位入先 !! 我心諗咩料, 我排前面的, 點解要讓俾我後面3位入先? 我眼白白睇住女侍應帶果一家三口去頭先我話已經執乾淨的枱俾佢地坐, 我再等多一陣, 然後佢地執乾淨好之前我話未執乾淨果張4人枱俾我坐, 我睇住成件事發生我覺得好激氣 !!
首先, 我明白餐廳的立場係想做多啲生意, 有3位客一定係想做3位客多個我1位客, 這是我了解的, 如果當時只係得一張吉的4人枱, 佢地俾果3位客入先我都可以原諒, 但明明當時係已經有兩張吉的4人枱, 只係有一張仲未執乾淨好, 咁點解呢個情況都仲要俾排我後面果3位客入先呢 ?!! 我排前面的, 理應俾我先坐下, 然後佢地收拾乾淨另一張4人枱, 那3位客人只需等多一會亦可以有位坐, 但點解會倒番轉要我排前面的再等多一會而要先讓3位客人先入座?
我坐低後我有同果名男經理反應我的不滿, 點解要俾我後面3位客先入, 其實你地枱係足夠的, 而且兩張4人枱其實都由啲2人枱拼合而成 (即實質係 4張可移動的2人枱, 2張拍埋一齊變成1張4人枱), 我話我其實唔介意等候時間長, 但我唔鐘意你地無理地俾排在我後面的客人先入座, 你俾得我後面3人客先入座, 如果後面都仲係有其他,3,4人客, 你係咪都要我再等而俾其他3,4人客人入先? 所以我1位客雖然排隊伍最前卻永遠都要讓其他3,4位客入先?
我只能說, 這樣經營心態是非常不智 !! 人地排得隊, 就係邊個排前面有位邊個入先, 你如果係睇人數多的先入咁你就唔好叫人出面排隊, 你應該安排侍應派籌叫客咁會好啲, 你排籌的話你俾咩客入先我耐你唔何, 但你俾得我排隊你就要對每個客都公平, 排先入先, 唔係因為我得1個人而要讓俾後面人多的入先, 況且今日呢個情況你餐廳枱數目係足夠的, 我唔明個男經理咩判斷要我讓果3位客入先, 成件事好反智 (註, 我及果3位客已經係隊伍最後2組人等候, 後面冇其他客排隊已經)
好, 講番食物, 食物唔差的, 但都未至於話好好食, 始終個龍脷柳天使麵都只係五十幾, 呢個價錢有呢個質素已經唔錯, 食物我係會俾讚的, 環境都好好, 但野飲偏小杯, 我叫的是凍檸茶, 加$4, 但我望到其他枱飲其他特飲, 所有杯都係偏小, 或者係果啲杯身好高但好窄果啲杯, 賣相係靚, 但兩啖飲晒, 有少少扼錢成份
下次唔會再黎, 因為個男經理啲判斷同態度都好反智
張貼
