多利蘿瑪排骨之家 (已結業)

有朋友係上海回港發展，於是尋晚同佢食飯洗塵。突然好想食BBQ排骨，所以馬上諗起依間號稱排骨之家既餐廳。排骨我揀左帶甜既Carolina Honey，伴菜就要朋友鍾意既焗豆；Side Dish朋友極力推介佢地既Onion Loaf，另外再叫左個凱撒沙律，當然少不了無限添飲既汽水檸茶。是夜本蟲胃口極好，相反朋友既食量就細得驚人，枱 上八成既食物都係由我清理。個Rib同沙律都保持到一貫水準，而個洋蔥圈真係好惹味，雖然只係叫左半份，但份量都依然好大，不過依個菜一定要趁熱食先好味，點埋伴隨既千島醬口感實在美妙。食通天十二樓原本既主題係礇 集各地中菜，但如今已經面目全非，不過Tony Roma's 既裝修都帶左中國色彩，同佢地既美式食品實在係有d 唔搭調。至於價錢雖然係略高，但以佢地既特大份量都算係物有所值。