影片
更多
2005-12-08
8 瀏覽
一路都知道毓民開左一間私房牛肉麵但一直都未試過，尋日同男友tea time經過旺角竟然見到，餓餓o地咪入去試o下羅，點知真係好揼心丫！！我o地叫左個招牌牛肉麵和排骨酥湯兩份食，響落排骨酥湯o既order時，個男仔侍應反應頗為奇怪，係咁同我地講話排骨酥湯出黎個樣係唔同menu和牆上面o既poster個樣d排骨將會不同顏色，其實我唔係好明佢講咩野，但我o地早排去過台灣饒河夜市食過一樣叫"排骨酥湯"的實在回味無窮，就憑著那份難忘的回憶情不自禁地order了，就此抱憾了一整天。如果佢個名唔係叫"排骨酥湯"，我真係聯想唔到佢係台灣大名o既排骨酥湯！！先講牛肉麵，除左佢d牛肉俾得勁孤寒之外，其實都幾有牛肉味，我o地比起其他食家好彩少少，我o地o個碗師傅唔小心"重手"左，俾左4片半仔我o地，多大家半片仔，不過同大婆牛肉麵無得比，雖然大婆35蚊毓民28蚊，但不論牛肉和麵都好，我保守估計大婆一碗可以做佢兩碗，如果只係計牛肉，我諗起碼4碗，公道d講，毓民o既牛肉麵d湯做得好過大婆，夠清夠甜，不過我諗大家唔係叫牛肉湯，希望毓民唔好人地俾左錢食o野好似唔想俾o野人食咁啦，好寒酸丫喂...之於響寒流襲港都食到我
我o地叫左個招牌牛肉麵和排骨酥湯兩份食，響落排骨酥湯o既order時，個男仔侍應反應頗為奇怪，係咁同我地講話排骨酥湯出黎個樣係唔同menu和牆上面o既poster個樣d排骨將會不同顏色，其實我唔係好明佢講咩野，但我o地早排去過台灣饒河夜市食過一樣叫"排骨酥湯"的實在回味無窮，就憑著那份難忘的回憶情不自禁地order了，就此抱憾了一整天。如果佢個名唔係叫"排骨酥湯"，我真係聯想唔到佢係台灣大名o既排骨酥湯！！
先講牛肉麵，除左佢d牛肉俾得勁孤寒之外，其實都幾有牛肉味，我o地比起其他食家好彩少少，我o地o個碗師傅唔小心"重手"左，俾左4片半仔我o地，多大家半片仔，不過同大婆牛肉麵無得比，雖然大婆35蚊毓民28蚊，但不論牛肉和麵都好，我保守估計大婆一碗可以做佢兩碗，如果只係計牛肉，我諗起碼4碗，公道d講，毓民o既牛肉麵d湯做得好過大婆，夠清夠甜，不過我諗大家唔係叫牛肉湯，希望毓民唔好人地俾左錢食o野好似唔想俾o野人食咁啦，好寒酸丫喂...
之於響寒流襲港都食到我同男友火都黎埋o既"排骨酥湯"，我真係超級無敵勸籲大家唔好叫丫！如果成世人都未試過俾人搵笨又想試o下o既就叫啦。個所謂"排骨酥湯"收25皮，黎到我同男友仲以為佢俾錯！首先menuo既相係用一個中碗盛的，但黎到係一個好細o既燉盅，就好似細龜鈴膏o個d，我同男友疑幻疑真地打開個蓋仔，見到盅面大約厚1cm左右o既油中浮著幾片芫茜，d"湯"係好似d罐頭清雞湯咁上下色，但竟然見唔到有固體物體！我即刻用個匙拔下，數到4小件拇指大小小的黑色排骨狀物體.......好驚嚇，但事到如今，唯有接受，終於明白個侍應落order時點解會好奇怪咁"警告"我地了，這就是先"君子"後"搵笨"吧....我懷著可能這4粒其貌不揚之小黑骨可能極級好味的狂想，一口吃下去.....早知要食排骨就去酒樓食點心啦...我諗我屋企隻狗肥波牠也不肯吃...o個碗油我死都唔肯飲，但我地都覺得用25皮食4粒仔小黑骨實在太白痴了，我男友嘗試去接受飲油，但佢始終唔係吳剛師傅，放棄左。不過，又係要講番句公道話，依碗"o野"都有可取之處，就係好熱好熱，我同男友你推我讓左咁耐都keep到滾o既一樣！勁！....緊係啦油黎嫁喎！唔講得笑丫！
最後，我希望毓民評論人o地亦可以接受o下俾人評論，我打咁多字都打左好耐嫁，改善o下啦，o個條街咁多好o野食再係咁搬去邊都死啦，如果諗住用個名的名氣撈一筆就算我都無野好講，但係諗住正正經經長做就唔好咁啦，你又唔係特別平，響o個條街已經係中上價錢了，我地俾得起錢，不過俾d野人食o下好喎....
張貼