靠得住粥麵小館 (康怡廣場北座)

營業中

休息中

去太古城AEON行街，差不多度食晚餐時間見到靠得住個牌就諗起心肝寶貝粥，即係帶子加豬潤。所以行去康山商場，行過一條長長嘅走廊經過兩間食肆，到達最尾幾靠得住粥麵小館。座位好有距離感，五人枱仲有C字型卡位。呢間靠得住同其他分店有點分別，Menu多咗客家菜嘅選擇，例如黃酒煮雞，梅菜炆扣肉，胡椒豬肚湯，北菇炆豬肉，鹹酸菜炒豬大腸等。黃油雞幾嫩滑，上枱雞皮夠黃色。最掛住嘅心肝寶貝食粥，豬潤厚身大大塊，帶子都好夠斤両，配上綿綿嘅粥底，就算放耐咗都唔會出水，廚師夠技巧。上湯雜菜鍋，砂鍋熱辣辣，上湯好有蝦乾香味。梅菜扣肉送白飯剛剛好，我反而梅菜係最先食晒。