Bit Point (已結業)

約左朋友happy hour, 我同朋友都唔想食炸小食. 朋友就帶左我來bit point, 話有新意, 同平時唔到喎.嘩, 見到餐牌有十二款熱狗, 稱得上係熱狗專門店. 熱狗都有咁多款式, 酒更加多, 除左不同啤酒同cocktails, 仲有好多手工啤酒, 成個雪櫃放係度可慢慢選. 正所謂掛羊頭賣狗肉, 哩度就掛著酒吧頭, 兼賣熱狗肉, 哈哈Tokyo Blonde $54 (happy hour) 日本出品的手工啤酒, 入口甘苦，回味有荔枝味滲出，先苦後甜 Steak House dog $72: 隻熱狗都好大隻, 要叫侍應一開四先可以食到. 麵包皮夠脆, 內裡好鬆軟. 饀料非常多, 除左大大條德國腸之外, 面頭有牛肉醬, 中間有夾著鮮甜蕃茄, 洋蔥帶點微辣, 加上牛扒醬汁. 一啖有齊幾種層次的味道享受, 而且仲幾飽肚 Chicken Satay $76 沙嗲雞串香口惹味, 非常適合夾啤酒,  雞肉嫩, 有肉汁, 沒有燒到乾憎憎