鴻發香港仔魚蛋粉 (已結業)

要去威院探病覆診，成日被迫食好難食嘅醫院canteen，真係苦上加苦！今次決意，跳出威院搵返啲人食嘅嘢！向醫院左邊走，沿小路走，穿過隧道，驚見一排食肆，挑了一間潮洲粉麵，享用我的午餐。千挑萬選--牛腩飯配凍檸茶做我的午餐。有驚喜，牛腩同飯分開上，飯就唔會太多汁，一pat pat；牛腩開得好靚，根腩相間，師傅有料到；牛腩入口軟、鬆化，仲要入味不太咸！總評：去威院探病最佳選擇！$41連飲品，牛腩飯大大碟，性格比高，值得多走兩步支持的小店！