強記飯店 (已結業)

今晚等朋友收工，話說我地要去行街，行街前都要食野嫁，天氣又濕又凍，點都要食番啲令到個胃暖粒粒既食物入肚先得。係北角地鐵B1出口斜對面，有間個招牌好紅既舖頭叫強記，朋友話佢呢邊返工，都會近近地係呢間到食，位置夠就腳。我地去到一坐下，個姐姐好快就沖埋黎問我地食咩，我就叫咗碗鮮蝦雲吞（淨雲吞無麵）有好多粒雲吞，雖然雲吞唔大粒，但都幾有咬口，仲有幾條菜係碗底到，粒粒雲吞都有好多鮮蝦仔。朋友就叫咗牛肉麵（粗麵）好滑又咬口既牛肉，朋友話正。當然唔少得叫野飲啦。一杯熱金桔蜜，暖胃好飲。一杯凍奶茶。