影片
更多
2012-05-16
1359 瀏覽
要兩星期前訂位既食市，我好少幫襯，但因為太耐都無食過又掛住佢啲鰻魚同粟米，所以決定再嚟食。打電話比個職員訂位，態度比較「崛」，唉，多人食係咁架啦....佢分兩個時段：19:00-21:00及21:00-23:00，當日我六點七去到時，佢以未開門為由唔比我入去，態度又係麻麻咯。今次留咗肚食嘢o既關係...叫咗好多嘢食...1.枝豆雖然$55有點貴，但份量足足比出面的多出三倍，算合理。2.清酒職員簡單地了解我哋想飲邊種口味o既清酒，介紹咗呢隻，味道較淡而且帶甜，不錯﹗(竟然係我講好「崛」既職員介紹，不錯啦)3. 燒鰻魚及烟肉車厘茄呢度o既鰻魚係比出面食既較肥大，而佢燒時無將鰻魚汁塗上去燒而分開上，使其魚皮亦燒得鬆脆，必食項目!!!而車厘茄加烟肉o既配搭亦很好，車厘茄中和咗烟肉肥膩o既感覺，絕配﹗但食時小心，因為車厘茄有汁好易整親條脷。4.炸立魚炸得鬆化，更勝鬼佬o既fish & chip。5.燒粟米唔駛多講，好多人都知呢件嘢好味係因為佢地自家制o既蒜蓉牛油，但唔知點解今次比得細舊咗，令到今次有啲失色。6.牛肋骨肉比起其他食物難免有點失色，雖然脂肪比例不錯，但食落比較滯，建議可以唔叫。7.燒
打電話比個職員訂位，態度比較「崛」，唉，多人食係咁架啦....
佢分兩個時段：19:00-21:00及21:00-23:00，當日我六點七去到時，佢以未開門為由唔比我入去，態度又係麻麻咯。
今次留咗肚食嘢o既關係...叫咗好多嘢食...
1.枝豆
雖然$55有點貴，但份量足足比出面的多出三倍，算合理。
2.清酒職員簡單地了解我哋想飲邊種口味o既清酒，介紹咗呢隻，味道較淡而且帶甜，不錯﹗(竟然係我講好「崛」既職員介紹，不錯啦)
3. 燒鰻魚及烟肉車厘茄呢度o既鰻魚係比出面食既較肥大，而佢燒時無將鰻魚汁塗上去燒而分開上，使其魚皮亦燒得鬆脆，必食項目!!!
而車厘茄加烟肉o既配搭亦很好，車厘茄中和咗烟肉肥膩o既感覺，絕配﹗但食時小心，因為車厘茄有汁好易整親條脷。
4.炸立魚炸得鬆化，更勝鬼佬o既fish & chip。
5.燒粟米唔駛多講，好多人都知呢件嘢好味係因為佢地自家制o既蒜蓉牛油，但唔知點解今次比得細舊咗，令到今次有啲失色。
6.牛肋骨肉比起其他食物難免有點失色，雖然脂肪比例不錯，但食落比較滯，建議可以唔叫。
7.燒羊架好大件的羊架，但火喉適中，肉身腍，但如果你想食羊味，則唔建議食。
8.鵝肝雙蛋飯因為職員幫我分咗兩碗，而且佢將成份嘢攪爛咗，所以影唔到相。
講返碗飯，本來雙蛋加鵝肝只會諗到超標膽固醇，而家好似塊鵝肝比兩隻蛋搞到cheap哂。但係，當所有嘢攪伴後，每一啖飯有蛋味加上鵝肝味，出奇地夾，我幾飽都唔記得了，食哂﹗呢個...絕對係必食項目。
張貼
