膳德福素食 (已結業)

中午食咗好多肉，夜晚想轉食齋或素，係太子附近，去翻上次幫襯嘅現代少少嘅素食店！芝麻手撕雞已經係第二次食, 都可以保持上次水準，煙煙韌韌少少似雞肉，加埋幼幼嘅青瓜絲，清爽。螺頭嗰芡汁比較杰身, 菠蘿粒切得碎, 加起嚟味道一般般。軟殼蟹手卷亦都係第二次食，第一次個賣相靚啲，今次食到嘅軟殼蟹比上次少, 沙律醬比較多，好似食緊青瓜卷，都係第一次好啲。南瓜魚腩煲都比想像中好味，南瓜都好多，魚腩用麵筋同紫菜整成，麵筋吸咗啲汁，朋友鍾意食南瓜。星洲炒米同外邊啲餐廳炒真肉嘅差唔多，因為素肉每人2，3件，唔係好覺食緊素，炒得都夠咖喱味，微香，還可以。