The Point - Pizza & Pasta (將軍澳中心) (已結業)

朋友在將軍澳返工，介紹呢間THE POINT,所以試下，見餐牌，有個二人餐，又不錯，都好經濟。頭盤可選湯或沙律，南瓜湯夠足料，沙律有黑醋汁夠開胃。Pizza 叫了Carbonara Pizza，平時已很喜歡食Carbonara 意粉，所以見到呢個味道放在pizza 上，原來又好夾喎，中間仲有一隻溫泉蛋，令個pizza 有juicy 既口感，巴拿馬芝士和拉絲的水牛芝士，配上意大利風乾火腿，好香口。主菜叫了澳洲M5和牛肉眼扒，真係好香牛肉香味，油份也唔算多，剛好；面層有燒過的網紋，但估唔到冇燒焦燶味，但令面層的肉層有𡁻口，再配了菠蘿梳打，非常解喝。