龍鳳廚坊 (已結業)

落筆先發現呢到原來有好幾款名物，好似脆腸，碌鵝同荷葉飯，見之前好幾個食評都有這幾款。黎之前都冇做功課，當時都係隨意睇住個MENU隨心選擇，以上幾款都係冇叫到，又分享下推介以外的幾款小炒。小炒羊，切到碎碎的，真係羊片也算不上，羊味薄弱，不過勝在鑊氣搭夠，不過一大碟，配菜都幾多下，唔係幾見食。油鹽水蜆，係見到隔離枱食緊幾大隻先叫，蜆食幾隻都有小沙粒，新鮮算不上，只可以叫做大大隻有野咬下。牛仔骨，幾惹味，挺軟身，可以叫正常的。豆鼓雞，店方介紹，用上的豆鼓本身都好唔錯，加上雞件嫩滑，味同肉都做得唔錯，係是夜做得最好的一款。豆苗，圖片分享下，不過乜解究而家所謂的苗是這樣。食物水準都可以，街頭風味，再來，真要試試果堆名物。