Green Waffle Diner (擺花街)

營業中

休息中

之前食過中環嘉咸街分店，宜家搬左來擺花街，環境大左，靚左，光鮮左。星期六有數款brunch set 提供，點了一份勁量早餐，有一份窩夫，兩塊麵包，煎蛋，豬肉腸，煙肉，煙三文魚，十分豐富。煎蛋仲要用上三隻蛋來煎，帶點燶邊。煙肉煎得脆身，不油膩。窩夫又可咸食，又可以配果醬或糖漿作甜食。Brunch set 可以半價配杯咖啡/茶。咖啡仲可以免費轉用杏仁奶，燕麥奶等。餐廳的鑊仔系列菜式頗為出名，所以點了一份細烤雞肉薯粒鑊仔，用上鑊仔盛上，上枱熱辣辣，薯粒香脆，烤雞肉不乾身，配上三色椒，大量芝士，酸甜番茄 ，水波蛋等撈勻，頗惹味。他們更加入Keto餐單，適合食Keto餐的朋友。