麵屋 元祖達摩 (已結業)

個人唔好拉麵，但屋企人鐘意食咁就黎試下啦~我叫咗雞骨醬油拉麵配牛肉，雞骨湯底唔會過咸，幾清甜👍🏻拉麵本身配有半隻溏心蛋，蛋白入味蛋黃半熟。粗曲麵掛湯力較強，略嫌唔夠彈牙; 牛肉則用上肥牛片，雖然份量算多，但可惜太肥，冇乜肉味😣另外點咗幾個小食蒜香和牛粒: 和牛粒唔會過老，生熟啱啱好，配上大量炸蒜十分野味😍芝士玉子燒: 玉子燒質地紮實，面層燒得焦香，味道偏甜，如果芝士份量多d就會更滿足自家製炸手羽: 上枱時新鮮炸起，熱辣辣，雞皮香脆唔油膩，雞肉保持鮮嫩多汁，唔錯！拉麵店食物高質，下次會再黎食😋