德藝會

營業中

休息中

朋友德福花園新居入伙，但佢屋企冇ready食物，於是去樓下既德藝會食晚飯(5分鐘路程)。3個女仔都唔算大食，叫4個菜就岩岩好：鐵板牛仔柳、海味什菜煲、美極虎蝦、瑤柱蛋白炒飯。海味什菜煲好大煲，而且好香雞湯味。美極虎蝦食材新鮮、有美極既香濃味道，但蝦殼炸得唔夠脆。其實虎蝦殼太硬，食材轉做中蝦既效果應該較佳。鐵板牛仔柳牛仔柳煮得又淋又入味，連飯食一流。瑤柱蛋白炒飯個飯炒得乾身，而且冇想像中甘淡味，幾驚喜。