越男仔 (已結業)

之前係旺角成日見到呢間越男仔,個名好得意但未有時間去食。最近係灣仔都開左分店,夾到時間同姊妹食先!先黎手撕雞檬紙卷 ,滿滿嘅手撕雞 配香蔥,加上胡椒,一流嘅小食。主食蕃茄四寶湯檬,湯底好正 ,濃厚蕃茄湯 ,檬粉幼身得嚟夠彈牙,有齊扎肉,豬扒,脆豬肉同豬頸肉 。啱曬貪心嘅我 。最後仲叫左個賣相好吸引嘅招牌魷魚釀咖哩飯 ,賣相好正,好喜歡個咖哩飯,好香仲帶有魷魚味,色香味俱全。份量比較多,兩至三人位女士食都飽飽。另外呢到嘅沙冰都好飲,唔會好甜又真係有D粒粒食下,好消暑。地點好近灣仔MTR 好方便呢。味道:4/5環境:3/5服務:3.5/5價錢:4/5