一遊

營業中

休息中

今次二訪呢間居酒屋，服務依舊貼心，適合想靜靜地食野傾下計既朋友仔。⭐️刺身盛合五點 $460✿北海道牡丹蝦 ✿中拖羅✿赤貝 ✿油甘魚 ✿帶子刺身新鮮厚切，每款兩片，牡丹蝦膠質重，肉質鮮甜有彈性；中拖羅魚油甘香無筋；赤貝爽甜；油甘魚口感清爽；帶子爽滑鮮甜。⭐️鮮帶子牛油燒 $86帶子燒至半熟，保留內裡係刺身既狀態，牛油燒過後味道更香，口感軟滑。⭐️海膽蟹肉牛油果壽司 $245 🔥推介🔥壽司由海膽、蟹肉絲、牛蒡+牛油果卷物組成，成舊放入口食到海膽既鮮甜，蟹味濃郁。因為加左牛蒡所以係軟綿既口感外，加多左份爽脆感。⭐️和牛薄切伴溫泉玉子 $280相比起海膽蟹肉牛油果壽司，呢個冇咁驚艷。和牛3片，肉質軟嫩，湯汁濃郁，有埋野菜，撈飯一流。⭐️ 海膽炒飯 $168炒飯份量多，4個都夠食，配料有翠肉瓜、蛋、蔥粒。主角係頂頂既海膽，每人都有一片，海膽照樣新鮮鮮甜，飯粒粒粒分明夠鑊氣。⭐️Plum sour $54怕酒感揀呢杯。⭐️Gin lime juice $49想要酒感揀呢杯。⭐️神龍純米大吟釀 $720 易入口，慢慢會變medium dry，有後勁，幾岩配刺身同海鮮。