喜慶屋拉麵餃子專門店 (已結業)

專登入大坑食雪糕，經過呢間餐廳見到個餐牌啲食物幾吸引，就決定入去坐低飲杯嘢食啲小食傾吓計。呢度嘅侍應好有禮貌，好有耐性咁介紹鋪頭嘅食物都係自家製，特別係鯪魚球同煎餃子。識煮飯嘅人都知道炸鯪魚球好考功夫，鯪魚球唔可以太大，因為出面炸到龍晒中間都好難熟，見到佢炸完出嚟個皮係薄薄一層金黃色而中間鯪魚球肉又可以全熟透，葉制得又唔會太咸幾入味。我仲叫咗杯蜂蜜薏米水，可惜我覺得蜂蜜味太少，反而薑味太重唔係太啱我嘅胃口。