越北牛肉粉

營業中

休息中

柴灣興華商場一樓有一間食越南菜的鋪頭，每次午餐同埋下午茶行過嘅時候，都差唔多坐滿人。今日入去和朋友一起吃了兩個下午茶套餐，朋友叫咗三寶飯，有鬆脆的雞翼，香茅豬扒，同埋扎肉，雞翼同埋豬扒味道鹹甜適中，份量都唔少，抵食。加8元就可以要青檸薄荷葉梳打，用優惠價換咗春卷，春卷脆卜卜，好味道。我就叫咗雞絲扎肉河粉，鍾意吃清清淡淡的湯河，湯河好滑，健康有益。河粉嘅份量都好多好大碗，雞肉鋪滿個碗，認真抵食。我哋用優惠價換咗個蒸粉包，粉包裏面係豬肉餡，剛剛蒸出嚟嘅粉包好軟滑，一口就吃完。增加纖维，叫了白灼生菜，爽甜。熱滴漏咖啡有特色，香濃好味。人均消費$100左右，性價比高。