嚐越 (已結業)

星期五食飯特別難搵位，所以今日lunch 用app 攞定嚐越飛，咁去到就唔洗等咁耐。嚐越有lunch set, 選擇都多，而且價錢大約$58-$78，係德福黎講價錢都算合理。鮮胡椒大蜆湯飯 $72 湯底味道濃郁，有微微既胡椒味，但唔太辣，飯有口感，唔會比湯浸到淋晒，材料都好豐富，有大蜆、蝦、菇，啲蜆好鮮甜，唔會有沙，蝦都好大隻，而且份量都幾多！番茄蟹膏湯檬 $65聽個名好吸引咁，但一黎到有啲失望，個湯底一般，好似普通既番茄湯咁，一啲蟹膏味都無。材料有札肉、魚餅、菇，無咩特別。Lunch set 會有飲品包埋，仲有得揀巨峰梳打，有驚喜！