影片
更多
2024-05-23
28 瀏覽
朋友介紹我黎食呢間餃子店，因為佢口味多，而且有D仲係獨家口味。最吸引我既一定係蝦餃系列，叫左雙拼湯餃再加上海面。個湯底係粟米蘿蔔豬骨湯，好清甜，而且唔會有味精好咸既味，似屋企靚湯味! 好飲到最後單叫多碗淨湯! 帆立貝萵荀鮮蝦餃入面竟然有原粒帆立貝，好足料。咬落口有陣陣既蒜香味，配埋彈牙既蝦粒。平時我本人都好鐘意食蝦餃，呢款真係有種好似點心口味既餃子!! 黑松露鮮蟹籽蝦餃呢個係我最推介既一款，黑松露好突出，鮮蝦又蝦牙，入面仲有好多菇去做配搭，所以食落唔會好dry! 去得餃子店，一定要試埋煎餃。煎餃好大粒，外皮好香脆! 黑椒漢堡餃呢款都好好食，黑椒帶微辣，原來咁樣配搭都咁夾! 香蔥辣豬肉餃辣得惹味!如果台上有埋餃子汁/辣椒醬比客人自己落就更好啦!!其實仲有好多款餃子都想試，下次再經呢邊，一定會再食!
最吸引我既一定係蝦餃系列，叫左雙拼湯餃再加上海面。
個湯底係粟米蘿蔔豬骨湯，好清甜，而且唔會有味精好咸既味，似屋企靚湯味! 好飲到最後單叫多碗淨湯!
帆立貝萵荀鮮蝦餃
入面竟然有原粒帆立貝，好足料。咬落口有陣陣既蒜香味，配埋彈牙既蝦粒。平時我本人都好鐘意食蝦餃，呢款真係有種好似點心口味既餃子!!
黑松露鮮蟹籽蝦餃
呢個係我最推介既一款，黑松露好突出，鮮蝦又蝦牙，入面仲有好多菇去做配搭，所以食落唔會好dry!
去得餃子店，一定要試埋煎餃。煎餃好大粒，外皮好香脆!
黑椒漢堡餃
呢款都好好食，黑椒帶微辣，原來咁樣配搭都咁夾!
香蔥辣豬肉餃辣得惹味!
如果台上有埋餃子汁/辣椒醬比客人自己落就更好啦!!其實仲有好多款餃子都想試，下次再經呢邊，一定會再食!
張貼
