鳴虎 (馬頭圍道) (已結業)

鳴虎 (馬頭圍道) (土瓜灣)📍土瓜灣馬頭圍道63號啟岸地下6-9號舖一向都鐘意食拉麵！佢地剛剛開業時黎過一次，過咗成年後又再訪啦！今次order咗赤虎同黑鳴虎兩個拉麵赤虎 $98呢個係特濃辛口拉麵，個湯底就如其名果然係幾辣！怕辣啲朋友仔就要小心，可能要叫定杯冰凍飲品！不過店員都會為每位食客提供凍茶，所以唔鐘意飲汽水都唔怕嘅！豬肉好入味，而溏心蛋做得剛剛好！正👍🏻黑鳴虎 $88博多黑蒜油拉麵，個湯底同赤虎好唔同，比較冇咁杰身。但蒜油味道都幾濃烈！麵質係算適中，唔會太硬或太軟，可以適當地排到湯。自己就較為鍾意赤虎果種濃厚湯底嘅口味，較為刺激而且感覺上容易掛湯一點。