雲陽閣 (已搬遷) 新店位置

我係麵Fans, 無麵不歡。最近食過雲陽閣既担担麵同青菜煨麵，都好有水準。佢地話麵條係自己打既，先評担担麵。麵條質感有韌度，有嚼勁，幼身既，唔會漿住個咀。而味道略帶麻辣，辣度不會太強，不嗜辣者亦可接受。青菜煨麵既上湯味道香濃，就算無肉都唔覺得寡，麵又唔會過林，Yummy。海蜇頭同水煮魚都一流，但愛辣既我略嫌不夠辣。仲點左個小麥小饅頭，好香軟，伴濃味既辣餸一齊食至正。還有餐廳職員都好好招呼，對Menu很熟悉，介紹詳細。