餃子屋

營業中

休息中

我個人呢好鍾意呢一間餃子店，所以我誠意推薦大家黎呢間，咁佢嘅餃子呢真係皮簿餡靚呀，又大隻喎咁，佢餡料方面呢真係好重本新鮮豬肉比足料㗎價錢又唔貴，同埋好飽肚囉我食咗兩三隻我已經覺得好飽啦，咁講講佢嗰個種類係點樣叫法先啦，咁佢係有6隻餃子同8隻餃子叫吃，亦都可以加上海面嘅，所以真係唔驚佢唔飽肚㗎，另外佢有個配料係麻辣菜脯亦都好好食同好嘢味，唔記得同大家講我嗰日呢就叫咗一碗菠菜豬肉餃同埋一碗咖喱薯仔豬肉餃，好想同大家分享吓呢個咖喱薯仔豬肉餃，唔好覺得咖喱薯仔咁樣嘅配搭好似好奇怪我想講佢係非常之夾到仲出乎可以了之外咁好食啊餃子，相比個菠菜豬肉餃子呢我就覺得有啲雖然唔太驚喜無咩特別都係平時食開餃子嘅款式，不過都好好食好足料既。講講佢環境方面呢就普通平民食店喇整體都乾淨嘅坐得都舒服，呢一間平日都好多人黎排隊食架，所以真係好值得推介俾大家。