熺會館

營業中

休息中

熺會館位於尖沙咀山林道，位置方便，今次試完絕對覺得呢間係火鍋界新星，一定要bookmark推介！今日既湯底就係魚湯芫荽皮蛋豆腐鍋 + 港式沙嗲鍋，打邊爐最重要之一呀😝湯底香濃，魚湯清清地，有清甜既感覺，沙嗲湯就濃味啲味道突出啲，沙嗲既香味令其他火鍋配料都會好好食好易入味😌中意食牛既我地點會錯過特級手切本地牛肉，牛肉雪花紋好靚，分布超平均，牛味激濃，肉質軟腍，打邊爐一流🤩另外熺會手打四寶丸、黑白栢葉雙拼、熺會館即炸響鈴都好出色👍🏻啲丸爽口彈牙，牛柏葉新鮮煙韌，響鈴香脆無比，一流既火鍋配料！大食既我地叫多個小食醉鴨舌，鴨舌皮滑肉少，每條都充滿淡淡花雕味，食下食下一碟就無晒🤓