Holy Chef (已結業)

成日係ig啲人去holy chef食brunch，搞到我都好想去試下。係長沙灣搵左好一陣先搵到，都幾難搵。一去到，得幾張正常枱，然後我地要坐係近門口位嘅一坐細枱，係去到腳度嘅高度，坐得都幾辛苦。同朋友一人叫左一個餐，all day breakfast 同黑松露意大利粉。附送餐包同一小杯湯。餐包同湯嘅分量都十分小。All day breakfast 好大份，但bacon腸仔都好油，點知連蕃茄都有芝士係上面，成份都頗為heavy，除左有啲菜係隔離。黑松露意粉就比較出色，黑松露味好出，忌廉分量放得剛好，意粉硬度適中，可以再林多少少。總括黎講意粉幾好，但食得好辛苦，下次都係唔好係食飯時間去。