波士冰室 (已結業)

千色匯我就成日當佢天橋咁使, 估唔到依家都開左幾多間餐廳, 最近冰室好流行, 今日經過見門口裝飾到好懷舊幾得意, 咁岩下午三點幾, 一於唻個下午茶啦！我就叫左餐肉蛋治, 老公就叫左常餐, 有煎豬扒公仔面, 北海道牛乳炒滑蛋配既仲唔係普 普通通既白面包, 係揸滿牛油再焗過既面包, 食落口又脆又重牛油味！至於個滑蛋都好出色, 用鮮奶炒零捨滑, 我地依一餐最最推介係杯冰波凍奶茶, 奶茶就飲得多, 但連冰都雪左做奶茶就第一次試, 本身奶茶茶味好重, 但又唔會冇左奶味, 個比例好好！最後我地忍唔住食埋粒冰添, 試過咁多間冰室, 依一間非常推介!