The Point (已結業)

銅鑼灣嘅登龍街多嘢食就係人都知，當中也更我係非常之喜歡食嘅就係The Point. The Point係一轉入登龍街就會見到嘅鋪頭，外牆係落地玻璃，環境好優雅，裝修好時尚，入到去總之就一種好高雅嘅感覺。佢嘅食物都係一樣，係提供一啲中上嘅食物，但價錢亦都非常公道，依家lunch set做做緊第二客半價添！今次去我決定試吓新野，我哋兩個人叫咗一個龍蝦pizza，呢個Pizza一上枱就聞到陣香味，係一種炭燒龍蝦嘅香味，Pizza嘅皮好酥脆，芝士亦都好多，好多拉起個Pizza係一絲絲見到啲芝士好長㗎！見到都流口水呀！唔單止味覺同埋嗅覺都滿足左，連視覺都覺得好震撼，因為見到一個大龍蝦頭同龍蝦尾擺咗喺個Pizza嘅中間，真係未見過未食過啊！拎起隻龍蝦味，發現原來龍蝦肉已經起晒出嚟，分布喺每一件嘅Pizza上面，所以每一啖嘅Pizza都食到彈牙新鮮嘅龍蝦肉。咁個龍蝦尾入邊有收埋咗咩呢？原來都有部份嘅龍蝦肉喺裏面而且仲有芝士同埋蕃茄仲有菇，龍蝦殼充滿咗炭燒嘅香味，我真係想連龍蝦殼都食埋落肚呀！個龍蝦頭係充滿咗龍蝦膏，好正㗎！我要重點推介個棒棒雞翼！上碟時候呢個雞翼係熱辣辣，直頭係辣手㗎。雞翼皮脆卜卜，