榮太日本家庭料理 (已結業)

飯用上正宗日本米（我睇到廚房袋米係秋田米），飯面除了有鰻魚汁仲有香蔥既味道。溫泉蛋剛剛好蛋呈蛋漿狀不會太熟。每次即叫即做保證便當暖笠笠。呢個飯我encore咗幾次，水準依然！老闆娘好友善，佢明明打算收鋪都專登執返啲野出黎幫我整便當。四十五蚊仲包埋一杯綠茶/麵豉湯，有時去吉之島買本條鰻魚都要咁既價錢啦！而且見到整食物既地方整齊又乾淨，食得好放心。