Food Combo (已結業)

成日去新墟買餸同去vcity都會經過依一間餐廳, 都講左幾次話要試, 今日又難得申請到唔煮飯就一決去馬啦！估唔到未到七點餐廳都滿左八九成, menu選擇唔多但菜色豐富, 我就叫左F餐香煎三文魚配炸雞粒, 至於老公就叫左安格期西冷, 一上枱樣樣都整得好精美, 擺碟好靚, 顏色繽紛, 未動餐都口水流緊, 先講講條三文魚, 估唔到咁大條, 外表煎到好香口, 肉質仲好juicy , 配埋檸檬汁酸酸地非常開胃！至於老公塊扒都唔野少, 岩岩好七成熟, 肉質唔會太實, 牛肉本身都非常高質, 仲要一提餐廳有自助飲料bar, 有熱有凍, 非常貼心！